Ձկների օրապարենի մասին կարելի է ենթադրել նրանց ատամնային հյուսվածքներից: Գիտնականներն առաջին անգամ միկրոհյուսվածքային փորձաքննություն են իրականացնում՝ պարզելու ձկների սննդակարգը: Նոր մեթոդը հնարավորություն կտա պարզել, թե այս կամ այն կենդանին ինչով է սնվում: Այս մասին գիտական հոդվածը հրապարակվել է Journal of the Royal Society Interface ամսագրում:
Գիտնականները փորձաքննությունն իրականացրել են էլեկտրոնային մանրադիտակով: Նրանք համեմատել են մի քանի տեսակի ձկների «ատամնային ռելիեֆները»: Նրանք կարողացել են պարզել, թե ձկներից որոնք են սիրում կերը «ատամներով» ծամել:
Նոր մեթոդն ավելի արդյունավետ է, քան ռացիոնը՝ ըստ ստամոքսի պարունակության դատելը, քանի որ այն կարող է պատահական կամ սեզոնային բնույթ կրել: Հետազոտողները հայտնում են, որ ատամնային ռելիեֆների ուսումնասիրությունը կտա սննդի նկատմամբ ձկների նախասիրությունների ընդհանուր պատկերը: Տվյալների ընդհանրացումից հետո, մասնագետները կկարողանան հեշտությամբ նշել կենդանիների սննդակարգում սեզոնային փոփոխությունները:
