ИТАР-ТАСС-ը, վկայակոչելով իրանական Press TV հեռուստաալիքը, հայտնել է, որ Իրանը դադարեցրել է հունական երկու խոշոր նավթային ընկերություններին նավթի մատակարարումը: Խոսքը գնում է Hellenic Petroleum-ի և Motor Oil Hellas-ի մասին:
Որպես նավթի դադարեցման պատճառ է նշվում հունական ընկերությունների կողմից վճարումների իրականացման հարցում ստանձնած պարտավորությունների չիրագործումը:
Հիշեցնենք, որ Հունաստանում նավթի սպառման 35 տոկոսը բաժին է ընկնում իրանական նավթին: Ի դեպ, այս տարվա փետրվարի վերջին դարձյալ նշվում էր, թե Իրանը դադարեցրել է Հունաստանին նավթ մատակարարելուց, ինչը սակայն ավելի ուշ հերքվեց: Այն ժամանակ խոսքը գնում էր 500,000 բարել նավթի մասին:
