«Առաջին լրատվական»-ը տեղեկացրել էր, որ Android օպերացիոն համակարգ ունեցող սարքավորումների օգտատերերն այսուհետ կկարողանան օգտվել հայտնի Instagram ծրագրից, որը երեքշաբթի օրվանից սկսած՝ հնարավոր է անվճար ներբեռնել Google Play թվային խանութից:
Այսօր հայտնի է դարձել, որ մեկ օրվա ընթացքում Instagram ծրագիրը ներբեռնվել է ավելի քան մեկ միլիոն անգամ: Այս մասին հաղորդում է Cnet-ը:
Տեղեկացնենք, որ այս ծրագիրը սկզբում նախատեսված էր միայն iPhone հեռախոսների համար: Դրա գործարկումը սկսվել էր 2010թ.-ի հոկտեմբերից: 2011թ.-ին այն դարձել է Apple-ի սարքերի համար նախատեսված ամենալավ հավելվածներից մեկը, որը ներբեռնվել է 30 միլիոն անգամ:
Ծրագիրը օգտատերերին թույլ է տալիս նկարներ ներբեռնել, ինչպես նաև փոխանակել դրանք այլ օգտատերերի հետ:
