«Ինչպես հայտնի է՝ մարտի 30-ին ՏՄՊՊՀ-ն 5 միլիոն դրամով տուգանեց «ՄԳԱ Վոթըր» ընկերությանը, որը ծորակի ջուրը շշալցնում էր և վաճառում` մոլորեցնելով մարդկանց: Բացի տուգանվելուց, ընկերությանը պարտավորեցրեց հնգօրյա ժամկետում ապրանքը հանել շուկայից»,- գրում է «Երկիր»-ը և հավելում.
«Հնգօրյա ժամկետն ավարտվում էր ապրիլի 3-ին, այնինչ երեկ` ապրիլի 4-ին, Աժ-ի ճեմասրահներում դրված ջրալից սարքերը թարմացվել են «Մաքուր ջուր» ապրանքանիշով: Այսինքն` ոչ միայն շրջանառությունից դուրս չի եկել, այլև արդեն օրենսդիր մարմինն է այս ընկերության կեղծ արտադրանքի սպառմանը նպաստում:
Ի դեպ, մինչև վերջերս ապրանքանիշից օգտվում էր նաև ՏՄՊՊՀ-ն: Ավելին, ընկերությանը տուգանելիս, հանձնաժողովում դրված էր ընկերության ջրալից սարքը: Մինչդեռ, ՏՄՊՊՀ հայտարարության մեջ նշված էր. «Ընկերությունն ակնհայտորեն ոտնահարել է սպառողների շահերը` նրանց գցելով շփոթության և թյուրիմացության մեջ»: Ստացվում է` շփոթության մեջ են ընկնում կամովին»:
