Հոնգկոնգում չինական կերամիկայի աճուրդի ժամանակ, որը կազմակերպել էր Sotheby’s ընկերությունը, վաճառվել է Սուն կայսրության ժամանակաշրջանի լվացվելու թաս` 26,7 մլն դոլարով: Թասի համար վճարված գումարը ռեկորդային է այդ ժամանակաշրջանի կերամիկայի համար:
Սկզբից իրը գնահատվել է 10 մլն դոլար: The Rich Times-ը պարզել է, որ նախկին տերն այն գնել է 6,4 մլն դոլարով, այս կերպ թասի գինն աճել է գրեթե չորս անգամ:
Ինչպես հայտնում է Bloomberg-ը` աճուրդին մասնակցել է վեց մարդ: Միևնույն ժամանակ Associated Press գործակալության տվյալներով՝ հնարավոր գնորդները եղել են ութը, իսկ աճուրդը տևել է ընդամենը 15 րոպե:
Սպասքի բարձր գինը բացատրվում է նրանով, որ այն պատրաստվել է «ժու» բացառիկ ոճով։ Ենթադրվում է, որ աշխարհում մնացել է այսպիսի կերամիկայից 79 իր, որոնք պատրաստվել են գրեթե 900 տարի առաջ։
Մինչ վաճառքը թասը պատկանել է ճապոնացի մասնավոր կոլեկցիոների, որը ցուցադրում էր այն Պեկինում:
