Կոլորադո նահանգի Արպախո շրջանի նախկին շերիֆ Պատրիկ Սալիվանը բանտում կանցկացնի 30 օր այն բանի պատճառով, որ մետամֆետամինի դիմաց մտադիր է եղել օգտվել մարմնավաճառի ծառայությունից: Այդ մասին հայտնում է The Denver Post-ը:
Բացի այդ` 69-ամյա Սալիվանը 2 տարի պետք է գտնվի իրավապահ մարմինների ուշադրության կենտրոնում: Բացի այդ՝ նա տուգանվել է 1100 դոլարով:
Մեղադրական եզրակացությունը հնչել է ապրիլի 3-ին: Նրան դատապարտել են 38-օրյա ազատազրկման, սակայն դրանից հանվել են այն 8 օրերը, որ նա 2011թ. նոյեմբերին գտնվել է անազատության մեջ: Իր մեղքը նա ընդունել է ու ներողություն խնդրել:
Սալիվանը, որը 2001թ. Շերիֆների ազգային ասոցիացիայի որոշմամբ ճանաչվել էր «Տարվա շերիֆ», իր պատիժը կկրի այն բանտում, որն ավելի վաղ անվանակոչվել էր նրա պատվին:
ԱՄՆ-ում թմրամիջոցների պահպանությունը համարվում է լուրջ հանցագործություն, այն դեպքում, երբ մարմնավաճառի ծառայությունից օգտվելը Կոլորադոյում դասվում է ավելի քիչ վտանգավոր հանցագործությունների թվին:
Սալիվանը շերիֆի պաշտոնն զբաղեցրել է 1984-2002թթ.: Ժամանկին նա պայքարում էր երիտասարդների շրջանում թմրամիջոցների տարածման դեմ:
