Մեզ հայտնի է, որ մի ժամանակ երկրի վրա ապրել են դինոզավրեր, բայց նրանց հսկայական ոտքերն ու պոչերը կարծես թե այնքան էլ հարմար չեն եղել ցամաքում ապրելու համար:
Ինչպես գրում է Daily Mail-ը, Քեմբրիջի համալսարանի գիտնականն ասում է, որ ինքն ունի այս ամենի պատասխանը: Գիտնականը գտնում է, որ այս հսկայական արարածներն իրականում ապրել են ջրերում:
Ըստ նրա՝ դինոզավրերն ապրել են 15-30 ոտնաչափ խորություն ունեցող լճերում, և նրանց հսկայական պոչերն օգնել են, որպեսզի նրանք կարողանան լողալ:
Կենսաբան Բրայան Ֆորդն ասում է, որ սա նաև ապացուցում է այն փաստը, որ հնէաբանները հայտնաբերել են դինոզավրերի ոտնահետքեր, բայց ոչ երբեք՝ նրանց պոչերի հետքեր: