Ապրիլին «Հանրաճանաչ մեխանիկա» ամսագրի կազմակերպած հայտնի գիտական դասախոսությունները կվերաբերեն հիպնոսին, մատերիային, ուղեղի կառուցվածքի առանձնահատկություններին և ջրի հատկություններին։
Դասախոսությունները հնարավոր կլինի լսել «З5 ММ» կինոթատրոնում՝ երեքշաբթի օրերին, ժամը 19:30-ից: Մուտքի տոմսի արժեքը 350 ռուբլի է:
Ապրիլի 3-ին ունկնդիրների առջև ելույթ կունենա բժշկական գիտությունների դոկտոր Անդրեյ Ստրելչենկոն, ով կպատմի, թե ինչ է հիպնոսը: Մասնագետը կբացատրի, թե արդյո՞ք կարելի է հիպնոսի միջոցով բուժել այս կամ այն հիվանդությունը:
«30 կարևոր փաստեր ուղեղի մասին» անվանումը կրող դասախոսությունը կկայանա ապրիլի 14-ին: Ֆրանսիացի նեյրոֆիզիոլոգ Լորան Կոեն կպատմի ուղեղի կառուցվածքի և աշխատանքի առանձնահատկությունների մասին:
Հաջորդն ունկնդիրների առջև ելույթ կունենա կենսաբանական գիտությունների դոկտոր Վլադիմիր Վոեյկովը: Նա կներկայացնի ջրի յուրահատկությունները: Այս դասախոսությունը տեղի կունենա ապրիլի 17-ին:
Իսկ վերջին՝ ապրիլի 24-ին կայանալիք «Ինչից է բաղկացած մատերիան» կոչվող դասախոսության ժամանակ ֆիզիկամաթեմատիկական գիտությունների դոկտոր Սերգեյ Տրոիցկին կպատմի, թե ինչպես են մարդիկ փորձել մատերիան բաժանել տարրական միավորների, թե ինչ են իրենցից ներկայացնում այդ միավորները, և այլն»,- տեղեկացնում է lenta.ru–ն:
