Նավթի պահանջարկը 2030-ին կավելանա 19%-ով

Ինչպես հայտնում են բրիտանական BP նավթագազային ընկերության մասնագետներն իրենց BP’s Energy Outlook 2030 զեկույցում, նավթի համաշխարհային պահանջարկը 2030թ.-ին կաճի 19%-ով 2010թ.-ի համեմատ, օրական 85,5 մլն բարելից հասնելով 102 մլն բարել:
Անցյալ 20 տարիների ընթացքում (1990-2010թթ.) նավթի ամենամյա պահանջարկի աճը կազմել է 1,3%, այն դեպքում, երբ 2010-2030թթ.-ին այն կազմելու է տարեկան 0,9%: Ինչպես կարծում են մասնագետները, պահանջարկն աճելու է մասնավորապես այն երկրների հաշվին, որոնք չեն մտնում Տնտեսական համագործակցության և զարգացման կազմակերպության մեջ (ՏՀԶԿ):
Ըստ մասնագետների արտահայտած կարծիքի` ՏՀԶՄ կազմի մեջ մտնող պետություններում նավթի պահանջարկը իր գագաթնակետին է հասել 2005թ.-ին և նրանց կողմից նավթի օգտագործումը մինչև 2030թ. կընկնի 4 մլն բարելով` հասնելով օրական 41,5 մլն բարելի (1990թ.-ի մակարդակ):
Իսկ այն երկրներում, որոնք չեն մտնում ՏՀԶՄ մեջ, ընդհակառակը, նավթի պահանջարկն աճում է` հասնելով օրական 61 մլն բարելի, որը երկու անգամ ավելին է 1990թ.-ի ցուցանիշից:
Չինաստանում 2010թ.-ի համեմատ 2030թ.-ին նավթի օգտագործումը կավելանա 8 մլն բարելով և կհասնի 17,5 մլն բարելի, դրանով իսկ Չինաստանը կշրջանցի ԱՄՆ-ին և կզբաղեցնի առաջին հորիզոնականը:
Ինչպես հայտնում են BP-ի մասնագետները, պահանջարկը կարող են բավարարել ՕՊԵԿ անդամ երկրները, որոնցում նավթի արդյունահանումը կաճի 13 մլն բարելով: Մասնավորապես Իրաքում այն կաճի 2 անգամ` 2,5 մլն բարելից հասնելով 5,5 մլն բարելի, իսկ Սաուդյան Արաբիայում` 3 մլն բարելի: ՕՊԵԿ-ի մաս չկազմող երկրներում ներմուծումը կաճի ընդամենը 4 մլն բարելով:
Ռուսաստանն ու Սաուդյան Արաբիան մինչև 2030թ.ը, ըստ մասնագետների, կշարունակեն պահպանել իրենց մասնաբաժինը նավթի շուկայում` յուրաքանչյուրը 12%-ով: