Վրացական «Ալիա» թերթի փոխանցմամբ՝ Վրաստանի նախկին նախագահական թեկնածու Լևան Գաչեչիլաձեն կոչ է արել ապրիլի 28-ին խաղաղ ակցիա իրականացնել Թբիլիսիում: Ակցիայի մասնակիցները պահանջելու են խորհրդարանական ազնիվ ընտրությունների անցկացում:
Գաչեչիլաձեն հայտարարել է. «Ես չունեմ քաղաքական հավակնություններ: Պարզապես պետք է լինեմ իմ ժողովրդի կողքին: Ես ողջունում եմ քաղաքական դաշտում ամենահաջող վրացու (ընդդիմադիր միլիարդատեր Բիձինա Իվանիշվիլի) հայտնվելը: Այժմ բոլոր վրացիների համար ողջ երկրում հնարավորություն է հայտնվել՝ հասնելու մեր երազանքին: Մենք պայքարելու ենք ազատ ընտրությունների, ազատ երկրի համար»:
Նշվում է, որ Գաչեչիլաձեն քաղաքական ակտիվ գործունեության ասպարեզում տևական ընդմիջումից հետո երեկ համալրել է «Ընտրողների լիգայի» շարքերը:
