Ֆրանսիայի իշխանությունները երկուշաբթի օրը երկրից արտաքսել են երկու արտասահմանցի քաղաքացիների, որոնց նրանք ներկայացրել են որպես ծայրահեղական իսլամիստներ:
The New York Times-ի փոխանցմամբ՝ իշխանությունները հայտնել են, որ շուտով կարտաքսեն ևս երեք հոգու: Այս կերպ նախագահ Նիկոլա Սարկոզին կատարում է երկիրը իսլամիստներից «մաքրելու» իր խոստումը՝ այն բանից հետո, երբ Թուլուզում մի քանի սպանություններ էին տեղի ունեցել մի մարդու կողմից, ով, ամենայն հավանականությամբ, եղել էր «Ալ-Քաիդա»-ի անդամ:
Ներքին գործերի նախարարությունը հայտնում է, որ Ֆրանսիայից արտաքսվել է ալժիրցի մի տղամարդ, որը նախկինում մեղադրվել է ահաբեկչության մեջ: Նրա հետ արտաքսվել է նաև Մալիի իմամը: Ակնկալվում է, որ կարտաքսվեն նաև Սաուդյան Արաբիայի, Թուրքիայի և Թունիսի իմամները:
