«Երկիր»-ը գրում է, որ Հայաստանի հատկապես հեռավոր գյուղերի բնակչությունը ընտրությունների օրը ավելի քիչ թվով կմասնակցի ընտրություններին, քան ներկայումս հաշվառված են ընտրացուցակներում:
«Բանն այն է, որ գարնան գալստի հետ սկսվում է նաև արտագնա աշխատանքի սեզոնը և, ուզեն թե չուզեն, «խոպանչիները» բռնելու են արտերկիր մեկնելու ճամփան: Ի դեպ, եթե նախկինում արտագնա աշխատանքի էին մեկնում հիմնականում մայիսի սկզբներին, ապա այս տարի ժամկետները մեծացել են: Մարդիկ արդեն օր առաջ են երկիրն ազատում իրենց ներկայությունից:
Մասնավորապես, ինչպես հայտնեց մեզ հետ զրուցակիցներից մեկը Վարդենիսի Երանոս գյուղում, որն ունի 3000-ից ավելի ընտրող, մայիսի 6-ին՝ Աժ ընտրությունների օրը, ընտրողներից կմնան 1000-1200-ը: Թե մեկնողներից քանիսն են «հավատացողները», հայտնի չէ, բայց, ըստ երևույթին, մնացած «չհավատացողները», հաստատ կքվեարկեն «հավատացողների» փոխարեն»:
