Երեկ Արգենտինայի մայրաքաղաք Բուենոս Այրեսում Մեծ Բրիտանիայի դեսպանատան մոտ տեղի են ունեցել զանգվածային բախումներ: Արգենտինայում և Մեծ Բրիտանիայում այդ օրը նշում են որպես Ֆոլքլենդյան պատերազմի տարելիցի օր:
1982թ.-ի պատերազմին նվիրված ցույցը վերաճել է բախումների ոստիկանության հետ այն բանից հետո, երբ մի խումբ մարդիկ սկսել են քարեր և «մոլոտովի կոկտեյլներ» նետել Մեծ Բրիտանիայի դեսպանատան վրա: Ոստիկանները կիրառել են հատուկ միջոցներ, այդ թվում` արցունքաբեր գազ, ջրցան մեքենաներ և ռետինե փամփուշտներ:
Տեղի լրատվամիջոցները հաղորդում են, որ մի քանի ոստիկան տարբեր մարմնական վնասվածքներ են ստացել, սակայն պաշտոնապես դա չի հաստատվում:
