Հունաստանը մտադիր է ներգրավել միջազգային ներդրողներին՝ հունական մի շարք պետական ընկերությունների ու օբյեկտների ենթակառուցվածքների սեփականաշնորհման նպատակով: Այդ մասին, ինչպես գրում է «Զերկալո նեդելի»–ն, հայտարարել է պետական ունեցվածքի սեփականաշնորհման հիմնադրամի ներկայացուցիչ Կոստաս Միտրոպուլոսը:
Նա հայտնել է, որ վաճառքի է հանվել 12 ծովային նավահանգիստ, 34 օդանավակայան, ազարտային բիզնես ծավալելու իրավունք, НПЗ Hellenic Petroleum ընկերության բաժնետոմսերի 35 տոկոսը, Հունաստանը Թուրքիային միացնող ավտոմայրուղին, Հռոդոս ու Կորֆու կղզիներում խոշոր տարածություններ, ինչպես նաև՝ Աթենքի Օլիմպիական համալիրում առևտրային տարածություններ:
Հունաստանի իշխանությունները մտադիր են սեփականաշնորհման միջոցով մինչև 2015 թվականն աշխատել 20 մլրդ եվրո, իսկ մինչև 2020 թվականը՝ 50 մլրդ եվրո։
Հիշեցնենք, որ օրերս երկրի վարչապետ Լուկաս Պապադեմոսը հայտարարել էր, որ Հունաստանին կարող է պետք լինել ԵՄ-ի ու ԱՄՀ-ի օգնության երրորդ փաթեթը։
