Գերմանացի քաղաքական, կրոնական գործիչները, գիտնականները նախօրեին Բեռլինում քննարկել են աշխարհիկ հասարակությունում կրոնական ոլորտին առնչվող հարցեր: Քննարկումը ծավալվում էր Կոնրադ Ադենաուերի հիմնադրամի կազմակերպած համաժողովի շրջանակում:
Գերմանիայի խորհրդարանում Սոցիալ-դեմոկրատական խմբակցությունից Քերսթին Գրիզեն սատարում է պետության` դրական չեզոքությունը հավատի հանդեպ և այն դիտարկում որպես կրոնական ազատության գրավական:
Գրիզեի կարծիքով` եկեղեցու և պետության կտրուկ տարանջատումը անցանկալի է: Նա կոչ է անում քրիստոնյաներին պաշտպանել իրենց հավատին հարապարակավ հետևելու իրավունքը:
Ազատ դեմոկրատական կուսակցության քաղաքական գործիչ Մարիա Ֆլախսբարտը իր ելույթում շեշտը դրել է Գերմանիայում կրոնական կրթության հարցերի վրա, որը կարող է օգնել քաղաքացիներին ազգային ինքնության փնտրտուքի ճանապարհին: Այս մասին հայտնում է Regions.ru-ն:
Գերմանիայի Սահմանադրությունը չի կասկածում Աստծո գոյությանը, սակայն նախապատվություն չի տալիս և ոչ մի քրիստոնեկան կոնֆեսիայի:
Երկրում իշխանությունը նախկինի պես գտնվում է քրիստոնեական կուսակցության ձեռքին, սակայն նրան ավելի ու ավելի հաճախ են մեղադրում քրիստոնեական արժեքների ոտնահարման մեջ:
Գերմանիայում երիտասարդ քրիստոնյաների թիվը կրճատվում է, դրան հակառակ՝ աճում է մուսուլմանների թիվը:
