ԱՄՆ–ը պատրաստ է ազատ արձակել թալիբների՝ Գուանտանամոյում գտնվող հինգ առաջնորդներին՝ մի շարք պայմանների իրականացման դեպքում: Այս մասին հայտնել է Աֆղանստանի Աշխարհի բարձրագույն խորհրդի խորհրդական Մուհամմեդ Իսմայիլ Քասիմյանը:
Նրա խոսքերով` ԱՄՆ–ը պատրաստ է այդ հինգ առաջնորդներին տեղափոխել Քաթար, որտեղ նրանք կարող են միանալ իրենց ընտանիքներին: Ավելի վաղ հենց թալիբներն են պատրաստակամություն հայտնել իրենց քաղաքական շտաբը բացել այդ երկրում, բայց դադարեցրել են բանակցություններն ԱՄՆ-ի հետ մարտի 11-ից հետո, երբ ամերիկյան զիված ուժերը գնդակահարել էին Կանդագար բնակավայրի խաղաղ բնակիչներին:
«ԱՄՆ–ը ցանկանում է երաշխիքներ ստանալ Քաթարից, որ բանտարկյալները չեն վերադառնա իրենց նախկին գործունեությանը, կապրեն Քաթարում և դուրս չեն գա այդ երկրի սահմաններից»,- նշել են նա: Սակայն լրատվամիջոցների տվյալներով` Քաթարի իշխանությունները դեռ նման երաշխիքներ չեն ներկայացրել:
Նշենք, որ Գուանտանամո հատուկ կալանավայրում ներկա դրությամբ կա 170 կալանավոր: Նրանց մեծ մասը մեղադրվում է ահաբեկչական գործունեության մեջ:
2008թ., երբ Օբաման դեռ նախագահ չէր, խոստացել էր ընտրվելու դեպքում փակելել բանտը մինչև 2010 թվականը, բայց 2011-ին նա հատուկ հրաման ստորագրեց, ըստ որի՝ առանց մեղադրանք ներկայացնելու հնարավոր է կալանավորներին պահել այդ բանտում, եթե նրանք վտանգի տակ են դնում ԱՄՆ-ի ազգային անվտանգությունը` այդ կերպ վերսկսելով նրա աշխատանքները։
