Թայլանդի հարավում տեղի ունեցած պայթյունների հետևանքով զոհերի թիվը շաբաթ օրը հասել է 15-ի, վիրավորվել է ավելի քան 340 մարդ: Այս մասին հայտնել է ИТАР-ТАСС-ը` հղում կատարելով ոստիկանությանը:
Նախօրեին իսլամական ծայրահեղականները Յալա քաղաքի կենտրոնական առևտրային փողոցում պայթեցրել էին երկու ականապատ մեքենա: Ապա ևս մեկ պայթյուն էր տեղի ունեցել Խատյայի Lee Garden հյուրանոցում` Սոնգկխլա նահանգի ամենամեծ քաղաքում: Ավելի վաղ հյուրանոցի աշխատակիցները պնդել էին, որ պայթյունը տեղի է ունեցել հյուրանոցի առաջին հարկում տեղակայված գազի պայթյունի հետևանքով: Սակայն Թայլանդի ազգային ոստիկանության ղեկավարն այսօր հայտարերել է, որ պայթյունն ահաբեկչության հետևանք է: Նա նաև նշել է, որ հյուրանոցի և Յալա փողոցի պայթյունները կապված են միմյանց հետ:
Հիշեցնենք, որ ավելի վաղ տեղեկացվել էր 8 զոհերի և 70-ից ավելի վիրավորների մասին:
