Պակիստանի խորհրդարանը երեկ ձայների մեծամասնությամբ երկարաձգել է Աֆղանստան Պակիստանի տարածքով տարանցիկ ուղեբեռների արգելքի ժամկետը: Օրենսդիրներն ԱՄՆ իշխանություններից պահանջել են դադարեցնել Պակիստանի տարածքի հրթիռակոծումը և հարգել այդ երկրի ինքնիշխանությունը: Այս մասին հաղորդում է Xinhua գործակալությունը:
ԱՄՆ պաշտպանության նախարարությունում հերքել են Իսլամաբադի մեղադրանքները, թեպետ մարտի 30-ին Պակիստանի Վազիրիաստան նահանգում առնվազն 4 մարդ է սպանվել ամերիկյան հրթիռակոծության հետևանքով: Պակիստանի ընդդիմադիր ուժերը պահանջում են, որպեսզի ընդհանրապես արգելվեն ռազմական տարանցման հնարավորությունները ՆԱՏՕ-ի զորքերի համար:
Հիշեցնենք նաև, որ Պակիստանի տարածքով մատակարարումների արգելքը դրվել է այն բանից հետո, երբ 2011թ.-ի նոյեմբերին անօդաչու ինքնաթիռի ռմբակոծության հետևանքով Աֆղանստանի հետ սահմանի մոտ սպանվել էր Պակիստանի բանակի 24 զինվորական: