Այսօր աշխարհի տարբեր երկրներում նշվում է, այսպես կոչված, «Երկրագնդի ժամը»: 2007թ.-ից անցկացվող այս ակցիային միացել են աշխարհի հազարավոր քաղաքների իշխանություններ: Այս մասին հաղորդում է «Ազատություն» ռադիոկայանը:
Ամեն տարի այս օրը տվյալ քաղաքում ժամը 20:30-ից 21:30-ն անջատվում է էլեկտրական լուսավորությունը` այդ կերպ աշխարհի բնակչությանը կոչ անելով խնայել բնական պաշարները և պայքարել գլոբալ տաքացման դեմ:
Նշվում է, որ այսօր անջատվելու է նաև Նյու Յորքում ՄԱԿ-ի շենքի լուսավորությունը: Այս ակցիային անձամբ իր աջակցությունն է հայտնել ՄԱԿ-ի գլխավոր քարտուղար Պան Գի Մունը:
