Իսրայելում և պաղեստինյան օկուպացված տարածքներում անկարգություններ են տեղի ունեցել, որոնց հետևանքով տուժել են տասնյակ մարդիկ: Բախումները տեղի են ունեցել Իսրայելի հյուսիսային և հարավային շրջաններում, Երուսաղեմում:
Ռամալլայի և Երուսաղեմի սահմանային հատվածում ոստիկանները ստիպված են եղել արցունքաբեր գազ ու ռետինե փամփուշտներ կիրառել, որպեսզի ցուցարարներին ցրեն: Բացի դրանից, մի շարք ցույցեր տեղի են ունեցել Արևմտյան ափին, ինչպես նաև հարևան Հորդանանում և Լիբիայում: Ամենաշատ մարդիկ հավաքվել են Հորդանան գետի հորդանանյան ափին, որտեղ ցույցին մասնակցել է ավելի քան 20 հազար մարդ:
Ամեն տարի մայիսի 30–ը պաղեստինցիները նշում են որպես Հողի օր: Նրանք հիշում են իսրայելական կառավության այն որոշումը, որի համաձայն՝ Գալիլեում ապրող արաբներից 1976 թ. մեծ չափերի հասնող հողեր բռնագրավվեցին: Այդ ժամանակ արաբների շրջանում նման որոշումը դժգոհության մեծ ալիք բարձրացրեց, որը վերաճեց զանգվածային անկարգությունների:
Այդ օրվանից գրեթե ամեն տարի պաղեստինցիները դուրս են գալիս ցույցի՝ ընդդեմ իրենց հողերի բռնագրավման:
