Հայաստանը մտել է նախընտրական ակտիվ, լարված, աննախադեպ փուլ: Այսօր Ազատության հրապարակում կայացած Հայ ազգային կոնգրեսի հանրահավաքի ժամանակ հայտարարեց ՀՀՇ վարչության նախագահ, ՀԱԿ անդամ Արամ Մանուկյանը:
«Որովհետև երբեք չի եղել, որ իշխանափոխության այսքան մեծ անհրաժեշտություն, սոցիալական այսպիսի լարվածություն լինի: ՀՀ քաղաքացիները բաժանվել են երկու մասի՝ մի մասն ինչ-որ բաներ է խոստանում է, մի մասը լքում հայրենիքը: Մեր խնդիրը մեր հայրենակիցներին հետ բերելն է: Մենք անելու ենք այն բոլոր քայլերը, որոնք հայաստանցուն բերելու են Հայաստան»,- ասաց նա:
Արամ Մանուկյանը հիշեցրեց, որ ՀԱԿ համամասնական ցուցակում ընդգրկված են մարդիկ, ովքեր վերջին 15 տարիներին հավատարիմ են եղել իրենց և սատարել բոլոր ձեռնարկումներում. «Ինչ վերաբերում է մեր մեծամասնական ցուցակին, ապա դրանում մեծ թիվ են կազմում երիտասարդները, ինչը չափազանց ողջունելի է»:
ՀՀԿ-ն հրապարակեց մի ցուցակ, որի համար Սերժ Սարգսյանին պետք է շնորհակալություն հայտնել, ասաց Արամ Մանուկյանը: Ինչքան էլ ջանք գործադրեինք այդպիսի ցուցակ չէինք կարող կազմել: Այն միայն վատ հիշողություններ է առաջացնում՝ Խոսրով Հարությունյան, Հայկ Բաբուխանյան, մարդիկ, որոնց կողմից միայն բացասական էմոցիաներ են գալիս:
ՀԱԿ-ի ցուցակը, հակառակը, ազնիվ մարդկանց ցուցակ է, և այս պայքարը լինելու է գռփողի ու ազնիվի պայքար:
