Հարավային Կորեայում ամերիկյան զինված ուժերը պետք է ուժեղացնեն ռազմական հզորությունը: Այդ նպատակով Կորեայի հարավ կարող են ուղղվել ռազմական Apache ուղղաթիռներ, ինչի խնդրանքով էլ ԱՄՆ բանակն արդեն դիմել է Պենտագոնին: Այս մասին հայտարարել է Կորեայի Հանրապետությունում ռազմական կոնտինգենտի հրամանատար, գեներալ Ջեյմս Թուրմանը,- հաղորդում է Chunan Ilbo թերթը:
«Քանի որ չունենք լիակատար ռազմական ավիաբրիգադ, ես խնդրել եմ տրամադրել գումարտակ»,- գեներալի խոսքերն է մեջբերել թերթը:
Խոսքը Apache հարվածային ուղղաթիռների գումարտակի մասին է, որը ժամանակին մասնակիորեն դուրս էր բերվել Հարավային Կորեայից Իրաքում ու Աֆղանսատնում օգտագործվելու համար:
ԱՄՆ-ը Հարավային Կորեայում պահում է ավելի քան 28.5 հազար զինծառայող:
Ջեյմս Թուրմանը զգուշանում է Հյուսիսային Կորեայի հնարավոր հարձակումից` նկատելով, որ ԿԺԴՀ-ն շարունակում է համալրել իր սպառազինությունները Հարավային Կորեայի վրա հարձակվելու նպատակով: Այս մասին հայտնում է ITAR-TASS-ը:
