Չեմպիոնների Լիգայի գավաթի ընթացիկ խաղարկության քառորդ եզրափակիչի շրջանակներում կայանալիք «Միլան»-ի հետ խաղից առաջ կայացած մամուլի ասուլիսի ժամանակ «Բարսելոնա»-ի գլխավոր մարզիչ Խոսեպ Գվարդիոլան կատակել է լրագրողների հետ, թե արտագնա հանդիպման ժամանակ իր թիմի կազմում 7 պաշտպան կլինի:
««Միլան»-ի դեմ 7 պաշտպաններով կխաղանք: Կարևորն այն է, որ հարձակվողներին ստիպենք նահանջել: Մենք պետք է պատրաստ լինենք դժվարին պահերին: Վստահ եմ, որ այսօր մեզ սպասում է հզոր «Միլան»-ը` թիմ, որը պատրաստ է հաղթանակելու առաջին գծում պրեսինգի միջոցով: «Ռոսսոներիներ»-ը կոլեկտիվ ֆուտբոլ են ցուցադրում, ուժեղ են օդային պայքարում: Հանդիպումն անցնելու է աշխարհի լավագույն մարզադաշտերից մեկում: Կփորձենք դիմակայել «Միլան»-ին և լավ արդյունքի հասնել»,- հայտարարել է կատալոնացիների 41-ամյա մարզիչը:
