Մարտի 19-ից Արարատի մարզում մեկնարկել է Orange Հիմնադրամի և Հայկական ակնաբուժության նախագծի (ՀԱՆ) ծրագիրը, որի նպատակն է Արարատի մարզի բնակիչների համար անցկացնել անվճար ակնային զննումներ և իրականացնել անվճար բուժումներ սոցիալապես անապահով անձանց համար: Մինչև մայիսի 31-ը բժշկական խմբերը Արարատի մարզում իրականացնելու են աչքի անվճար զննումներ: Մինչև ապրիլի 5-ը նրանք կլինեն Մասիսի շրջանում, ապրիլի 6-ից մայիսի 3-ը` Արտաշատի շրջանում և մայիսի 4-ից 24-ը` Արարատի շրջանում: Ծրագրի շրջանակում երեխաների համար Արարատի մարզի ինը դպրոցներում ակնային զննումների հետ զուգահեռ կանցկացվեն նաև ակնային խնամքի հանրակրթական հատուկ դասընթացներ:
Այսօր Orange Հիմնադրամի խորհդրի նախագահ Բրունո Դյութուան այցելեց Արարատի մարզի Մարմարաշեն գյուղ, որտեղ ընթանում են աչքի զննումներ բոլոր ցանկացողների և հատուկ դասընթացներ դպրոցականների համար:
Orange Հիմնադրամն աջակցում է ՀԱՆ-ի 2012 թ. ողջ տարվա աշխատանքերին` տրամադրելով 25,5 միլիոն դրամ: Ընդհանուր առմամբ այս տարի Հայաստանի չորս մարզերում նախատեսվում է հետազոտել 13,400 բնակիչների (11,000 մեծահասակների և 2,400 երեխաների), տրամադրել 4,450 ակնոցներ, իրականացնել 820 վիրահատություններ և լազերային բուժումներ:
Orange Հիմնադրամի և Հայկական Ակնաբուժության նախագծի համագործակցությունը սկսվել է 2011թ., որի շնորհիվ 9056 բնակիչ Շիրակի և Արագածոտնի մարզերում անցյալ տարի ստացել է անվճար բժշկական ծառայություններ, որոնցից 640-ը ստացել է նաև անվճար վիրահատություն և լազերային բուժում, իսկ 3,524-ը ստացել են անվճար ակնոցներ:
« Լինելով հաղորդակցության ընկերություն` մենք հատկապես հոգում ենք հաղորդակցման խնդիրներ ունեցող մարդկանց մասին, իսկ տեսողությունը մարդկային հաղորդակցման ամենակարևոր ուղիներից մեկն է: Անցյալ տարվա ընթացքում մեր գործընկերներն իսկապես տպավորիչ աշխատանք կատարեցին Շիրակի և Արագածոտնի մարզերում: Երջանիկ ենք այս տարի կրկին աջակցել նրանց, այս անգամ արդեն չորս այլ մարզերում, որտեղի բնակիչները նույնպես կկարողանան օգտվել անվճար ակնային զննումների և բուժումների հնարավորությունից: », ասաց Orange Արմենիա Հիմնադրամի խորհրդի նախագահ Բրունո Դյութուան:
«Ուրախ ենք արձանագրել, որ Orange Հիմնադրամը մեր կողքին է լինելու ողջ 2012 թ. ընթացքում, ինչը մեզ ավելի լայնածավալ գործունեության հնարավորություն կտա: «Լույս հայի աչքերին ծրագրի շրջանակում ՀԱՆ-ն այս տարի կաշխատի Հայաստանի հետևյալ մարզերում` Արարատ` մարտ-մայիս, Վայոց Ձոր` հունիս, Սյունիք` հուլիս և Արմավիր` սեպտեմբեր-հոկտեմբեր: Սա արդեն ՀԱՆ-ի հինգերորդ շրջացն է Հայաստանում սկսած 2003 թ.»,- ասաց Հայկական ակնաբուժության նախագծի հայաստանյան գրասենյակի տնօրեն Նունե Եղիազարյանը:
Մանրամասների համար Արարատի մարզի բնակիչները պետք է դիմեն իրենց բնակավայրի առողջության կենտրոն և հետևեն այնտեղ փակցված հայտարարություններին, կամ զանգահարեն 010 559068 հեռախոսահամարով:
