Վլադիմիր Պուտինի երդմնակալության արարողությունը կունենա ռուսական խոհանոցին բնորոշ կոլորիտ:
1000 մարդու համար նախատեսված ընդունելությունը երկրի գանձարանին կարժենա 26 մլն ռուբլի, կհյուրասիրվեն ռուսական ավադական խոհանոցին բնորոշ կերակրատեսակներ:
Կերակրացանկը կազմվել է ազգային մթերքներն ի ցույց դնելու հաշվարկով:
Սառը խորտիկների թվում հյուրերին կհյուրասիրվի ծովային կակղամորթ` բանջարեղենային բլիթների և սպիտակ սնկի սոուսով, ապխտած ձուկ՝ հազարի տերևներով, տապակած սագի ռուլետ՝ հոնի սոուսով, ծովամթերքից պյուրե՝ ավոկադոյով:
Տաք ուտեսներից հյուրերը կարող են համտեսել Կամչատկայի տապակած խեցգետին և կոկոսի կաթով կապուչինո: Կմատուցվի նաև թառափից սթեյք` բանջարեղենային սոուսով:
Հյուրերին կմատուցի նաև Kremlin ռուսական օղի և կոնյակ, սպիտակ Pinot Aligote Selection Chateau le Grand Vostok գինի (ՌԴ, 2009) և «Աբրաու-Դյուրսո» կոլեկցիոն շամպայն (2008, ՌԴ): Այս մասին հայտնում է РБК daily-ն:
Հիշեցնենք, որ մարտի 4-ին ՌԴ-ում տեղի ունեցած նախագահական ընտրություններում հաղթանակել էր երկրի վարչապետ Վլադիմիր Պուտինը` ստանալով ձայների 36.6 տոկոսը: ՌԴ նախագահի երդմնակալության արարողությունը տեղի կունենա մայիսի 7-ին:
