Ոգևորված վերջերս ԱՄՆ ու ՌԴ նախագահների անձնական խոսակցության բովանդակության արտահոսքից, որը տեղի էր ունեցել չանջատված միկրոֆոնի պատճառով, Foreign Policy-ն կազմել է պատմությանը հայտնի վատագույն վրիպումների վարկանիշային աղյուսակը: Այս մասին հայտնում է InoPressa-ն:
Օբամայի` Վլադիմիր Պուտինին հղած գաղտնի ուղերձը` լինել ավելի փափուկ ՌԴ նախագահ ընտրվելուց հետո, հավակնում է դառնալ վրպումների ոսկե ֆոնդի առաջատարը: Լրագրողները նկատել են, որ Բարաք Օբաման առնվազն 4 անգամ վրիպել է միկրոֆոնների առաջ:
Ստորև ներկայացնենք The Times-ի վարկածով 8 վատագույն անտակտություններն ու վրպումները, որ թույլ են տվել քաղաքական գործիչները:
1. «Ռմբակոծումը կսկսվի 5 րոպեից»
Հեղինակը Ռոնալդ Ռեյգանն է: Այն արվել է ավելի քան 30 տարի առաջ և քիչ էր մնացել դառնար ԱՄՆ-ի ու ԽՍՀՄ-ի միջև պատերազմի պատճառ:
2. «Դու կուշտ ես մինչև կոկորդդ, իսկ ես ի՞նչ ասեմ»
Եվս մեկ սկանդալ ծագեց 2011թ. G20-ի գագաթնաժողովին: Ֆրանսիայի նախագահ Նիկոլա Սարկոզին Բարաք Օբամայի հետ զրույցի ժամանակ Իսրայելի վարչապետ Բենիամին Նեթանյահուին անվանել էր «ստախոս»: Օբաման էլ ի պատասխան ասել էր. «Դու մինչև կոկորդդ կուշտ ես, բայց ես նրա հետ գործ եմ ունենում ամեն օր»:
3. «Առաջ է տանում դեմոկրատիան, բայց լուրջ քայլեր չկան»
Օբաման այս խոսքերն ասել է Կատարի էմիրի մասին:
4. «10 կնոջ է բռնաբարել: Մենք բոլորս նրանք նախանձում ենք»
Այս մասին Վլադիմիր Պուտինն ասել էր Իսրայելի նախկին նախարար Մոշե Կացավի մասին:
5. «Պետք է ստիպել Սիրիային, որ «Հըզբոլլահին» պարտադրի դադարեցնել այս «շինիչ» գործողությունը»
2006թ. G8-ի գագաթնաժողովի ժամանակ Բրիտանիայի նախկին վարչապետ Թոնի Բլերին այսպես էր ասել ԱՄՆ նախկին նախագահ Ջորջ Բուշը Լիբանանում տիրող վիճակի մասին:
6. «Բրիտանացիների միակ ներդրումը եվրոպական տնտեսության մեջ՝ կովերի կատաղությունն է»
Արտահայտության հեղինակը 2005թ. Ֆրանսիայի նախկին նախագահ Ժակ Շիրակն է:
7. «Ամեն դեպքում, եթե քաղաքական գործիչները նստեին բանտ, լավ կլիներ»
1997թ. Կանադայի վարչապետ Ժան Կրետիենն այսպես է ասել ամերիկացի քաղաքական գործիչների մասին՝ Բելգիայի ու Լյուքսեմբուրգի վարչապետների հետ զրույցի ժամանակ:
8. «Նախարարները շան որդի են»
1997թ. այսպես է արտահայտվել Մեծ Բրիտանիայի նախկին վարչապետ Ջոն Մեյջորը`անուններ չտալով:
