«Մանչեսթեր Յունայթեդ»-ի գլխավոր մարզիչ Ալեքս Ֆերգյուսոնը վստահ է, որ գալիք տասնամյակում իր թիմի գլխավոր հակառակորդը կլինի «Մանչեսթեր Սիթի»-ն: Ընթացիկ մրցաշրջանի մեկնարկին Ֆերգյուսոնը այդ կարծիքին չէր, սակայն «քաղաքայիններ»-ը 7 ամիս շարունակ գլխավորեց Անգլիայի Պրեմիեր Լիգայի մրցաշարային աղյուսակը, ինչը ստիպեց Ֆերգյուսոնին փոխել իր կարծիքը:
«Ես կարծում եմ՝ մենք և «Յունայթեդ»-ի ու «Սիթի»-ի յուրաքանչյուր երկրպագու պետք է ընդունի այն փաստը, որ գալիք տասնամյակում մեր ակումբների միջև դեռ շատ դիմակայություններ կլինեն:
Մեր երկու ակումբները շատ առաջ կգնան, սակայն կցանկանայի, որպեսզի «Արսենալ»-ը, «Չելսի»-ն և «Տոտենհեմ»-ը ձեռք բերեն հաստատուն խաղ և դառնան մեծագույն ակումբներ: Մենք ունենք մեծ փորձ, որը շատ կարևոր է, քանզի երկրորդ անգամ նույն իրավիճակում հայտնվելու դեպքում մենք ելքը կկարողանանք գտնել։ Համենայնդեպս, դա չի նշանակում, որ միայն փորձի շնորհիվ մենք կդառնանք ընթացիկ առաջնության չեմպիոն: «Մանչեսթեր Սիթի»-ն արժանի է՝ դառնալու այս տարվա չեմպիոնը»,- ասել է Ֆերգյուսոնը։
Հիշեցնենք, որ Անգլիայի ընթացիկ առաջնության առաջատարը «Յունայթեդ»-ն է՝ 70 միավորով, որին հավասարվեց «Սիթի»-ն, սակայն «Կարմիր սատանաներ»-ը մեկ խաղ քիչ է անցկացրել։
