Հոլիվուդյան աստղ Անջելինա Ջոլին Oscar մրցանակաբաշխությանը ներկայացել էր Versace ապրանքանիշի սև զգեստով, որը առավել մեծ ուշադրություն է հրավիրել:
Հատկապես զգեստի լայն կտրվածքը հնարավորություն էր տալիս դերասանուհուն մերկացնելու աջ ոտքը: Դերասանուհուն ուղեկցել է ամուսինը՝ Բրեդ Փիթը, սակայն, ինչպես երևում է, լրագրողները նրան չեն էլ նկատել:
Կարմիր գորգին կանգնած Ջոլիի ոտքը մեծ աղմուկ է բարձրացրել և լայն քննարկումների ու ծաղրապատճենումների առիթ դարձել:
Ջոլին երկար ժամանակ չի մեկնաբանել կենդանի լեգենդ դարձած իր ոտքի մասին խոսակցությունները, սակայն վեևջերս կիսվել է Huffington Post-ի հետ.՝ ասելով «Ճիշտն ասած` այդ ամենի վրա ուշադրություն չեմ դարձրել: Ես հեռուստաշոուներ չեմ դիտում, անտեսում եմ նաև համացանցում իմ մասին հրապարակումները:Եվ այն մարդիկ, որոնք ինձ շրջապատում են, նույնպես չեն քննարկում նման բաներ»:
Դերասանուհին խոստովանել է, որ իր ոտքի մասին ինչ-որ բան լսել է, բայց դրան կարևոր նշանակություն չի տվել:
Հիշեցնենք, որ այս լուսանկարներն ամենից շատ տպավորել էին Twitter-ի այցելուներին: Դեռ մինչև մրցանակակիրներին հայտարարելը Ջոլիի մերկ ոտքը ուներ իր միկրոբլոգը, որը կարդացել էր ավելի քան 9000 մարդ:
