Apple ընկերության սեփականատեր Սթիվեն Ջոբսը, ով անցած տարի հեղինակավոր The Financial Times թերթի կողմից համարվել էր «Տարվա մարդ», ծանր հիվանդ է: Այսպիսի եզրակացություն են արել համաշխարահային լրատվամիջոցներն այն բանից հետո, երբ հայտնի է դարձել, որ Ջոբսը արձակուրդ է գնում հիվանդության պատճառով:
Նա արդեն երկար տարիներ բուժվում է ենթաստամոքսային գեղձի քաղցկեղից: Եվ անժամկետ այս արձակուրդը հավանաբար դրա հետ է կապված:
Ինչպես հաղորդում է Reuters գործակալությունը, Սթիվեն Ջոբսը հայտնել է, որ ինքը շարունակելու է գլխավորել ընկերությունը և ընդունել կարևոր որոշումները, սակայն ընթացիկ հարցերը դրվում են Apple-ի թոփ-մենեջեր Թիմ Քուքի վրա:
Ջոբսի այս հայտարարությունից հետո Եվրոպայի բորսաներում Apple-ի ակցիաներն ընկել են 6%-ով:
«Առաջին լրատվականն» արդեն տեղեկացրել էր, որ Apple ընկերությունը բաժնետերերին խնդրել էր գաղտնի պահել Ջոբսի հետնորդի անուը: Փաստորեն այդ անունն այսօր հայտնի դարձավ: