Մեծ Բրիտանիայի թագուհի Եղիսաբեթ Երկրորդը և նրա ամուսին Ֆիլիպը անսպասելիորեն եկել են Մանչեսթերում վարսավիրանոցների սեփականատերերի հարսանիքին` արձագանքելով մի քանի ամիս առաջ ստացած կատակ–հրավերին:
Նորապսակներ Ֆրենսիս և Ջոն Քենինգների խոսքերով՝ իրենք շատ են զարմացել, երբ իրենց խնջույքի ժամանակ տեսել են թագուհուն:
«Մենք պատվիրել էինք քաղաքապետարանի այդ սրահը 100 տարի առաջ, իսկ փետրվար ամսին մեզ զանգագարել էին և ասել, որ այդ նույն ժամանակ շենքում լինելու է շատ կարևոր անձնավորություն: Երբ մենք իմացանք, թե ով է նա, մենք կատակով հրավիրատոմս ուղարկեցինք Նորին Մեծությանը և ստացանք սիրալիր պատասխան, սակայն մենք չէինք սպասում, որ այս ամենը շարունակություն կունենա: Միջոցառման ժամանակ մեզ ասացին, որ շուտով ժամանելու է այդ անձնավորությունը: Քիչ անց ներս մտավ թագուհին և դիմեց մեզ անուններով»,- ասել է միսիս Քենինգը՝ Manchestr Evening News հրատակությանը;
Ամուսինները նշել են, որ թագավորական ընտանիքի մեծ երկրպագուներն են:
