Ամերիկուհի մոդել Էսթեր Պետրակը, որը մասնակցել է American’s Next Top Model մրցույթին, ներգաղթել է Իսրայել ու դիմել է ծառայելու ՑԱԽԱԼ-ում: Այս մասին հայտնում է MIGnews-ը:
20-ամյա Պետրակը ծնվել է Երուսաղեմում: Նրա մայրը ֆրանսուհի է, հայրը՝ ամերիկացի: Ընտանիքը մեկնել է ԱՄՆ, երբ Էսթերը երեխա էր:
Նա որոշել է վերադառնալ Իսրայել նոր ներգաղթյալների համար հատուկ ծրագրի շրջանակում:
«Հաարեց» թերթին տված հարցազրույցում աղջիկն ասել է. «Ես ոչ մի կասկած չեմ ունեցել, որ ծառայելու եմ բանակում»:
Պետրակին առաջարկել են այլընտրանքային ծառայություն: Սակայն նա նախընտրել է ծառայել հակատանկային զորքերում. երկու տարի ծառայելու է որպես տանկային հրահանգիչ: