ՄԱԿ-ի մարդասիրական հարցերով պատասխանատու Վալերի Ամոսը հինգշաբթի օրը դժգոհել է, որ օգնություն տրամադրող աշխատակիցները Սիրիայի ժողովրդին օգնելու «սահմանափակ հնարավորություն ունեն», չնայած Անվտանգության խորհուրդը Դամասկոսին կոչ էր արել թույլ տալ մարդասիրական օգնություն տրամադրողների մուտքը Սիրիա:
The Jerusalem Post-ի փոխանցմամբ՝ Ամոսը իր հայտարարության մեջ ասել է, որ իրադրությունը Սիրիայում շարունակում է մնալ լարված, քանի որ բռնություններն ու կռիվները շարունակվում են մի շարք քաղաքներում, նաև՝ Դամասկոսում:
Նա ավելացրել է, որ անհանգստանում է այն մարդկանց համար, ովքեր դարձել են այս ամենի զոհը և օգնության կարիք ունեն:
Հիշեցնենք, որ հինգշաբթի օրը Սիրիայում բախումների հետևանքով առավել քան 40 մարդ է սպանվել: Այս մասին հաղորդել են ընդդիմադիր ակտիվիստները:
