Հորդառատ անձրևները ողողել են ճանապարհները և արտաքին աշխարհից մեկուսացրել Բրազիլիայի հյուսիսային Պարա նահանգի 7 քաղաք: Այս մասին հաղորդում է RIA Novosti-ն՝ վկայակոչելով տեղի քաղաքացիական պաշտպանության ծառայությանը:
Գերատեսչության տվյալներով՝ շաբաթվա սկզբից շարունակվող անձրևները ողողել են տարածաշրջանի գլխավոր տրանսպորտային մայրուղիներից մեկը: Տեղի գետերը դուրս են եկել ափերից, 350 ընտանիք ստիպված է եղել լքել ջրով ողողված իրենց տները: Զոհերի մասին տեղեկություն առայժմ չի հաղորդվում:
Օդերևութաբանների կանխատեսումներով՝ բրազիլական Ամազոնում անձրևների ժամանակը դեռ նոր է սկսվում, և Հարավային կիսագնդում ձմռան գալստով պետք է սպասել առատ տեղումների հաճախակիացում:
