Բեսլանն ու Դուբրովկան ռուսական հատուկ ծառայությունների ձեռքի գործն է: Կարծում է Լիտվայի Սեյմի պատգամավոր Ռիտաս Կուպչինսկասը ու Լիտվայի անկախության ակտի տակ ստորագրած Ալգիրդաս Էնդրյուկայտիսը: Ինչպես փոխանցում է «Ռեգնումը», այս մասին նրանք այսօր հայտարարել են Լիտվայի Սեյմում կայացած մամլո ասուլիսին:
Լիտվացի քաղաքական գործիչների, այդ թվում` Լիտվայի Սեյմում Չեչնիայի Հանրապետության հետ խորհրդարանական կապերի նախագահող Ռիտաս Կուպչինսկասի կարծիքով `«Բեսլանն ու «Դուբրովկան» ընդամենը հատուկ գործողություններ են եղել` կազմակերպված Ռուսաստանի անվտանգության դաշնային ծառայության կողմից:
Քաղաքական գործիչները պնդում են, որ լիտվական կողմը տիրապետում է փաստաթղթերի, որոնք հաստատում են այդ տեղեկությունը:
Կուպչինսկասն ու Էնդրյուկայտիսը պնդում են, որ ՌԴ անվտանգության դաշնային ծառայության օպերատիվ աշխատակիցները հաճախ հյուրընկալվում են Պետական անվտանգության դեպարտամենտում: «Միասին նստում, թեյ են խմում: Ինչպե՞ս կարելի է համագործակցել հանցավոր կազմակերպության հետ»,- վրդովվում են քաղաքական գործիչները:
Լիտվայի Սեյմում տեղի էր ունեցել մամլո ասուլիս` նվիրված Չեչնիայի զարգացմանը Ռուսաստանում ու չեչենական սփյուռքին Ռուսաստանի սահմաններից դուրս:
Հիշեցնենք, որ 2004թ. սեպտեմբերի 1-ին ահաբեկիչների խումբը գրավել էր Բեսլանի թիվ 1 դպրոցը` պատանդ վերցնելով 1127 մարդու: Ահաբեկչության հետևանքով մահացավ 334 մարդ, այդ թվում` 186 երեխա:
«Դուբրովկա» թատերական կենտրոնում «Նորդ-Օստ» մյուզիքլի ժամանակ ահաբեկիչները գերի էին վերցրել 923 մարդու, որից 130-ը մահացան, այդ թվում` 10 երեխա:
