Եվրախորհրդարանը կոչ է արել կասկածի տակ չդնել նոր Պետդումայի ու ՌԴ նախագահի լեգիտիմությունը: Այս մասին այսօր Մոսկվայում հայտարարել է Եվրախորհրդարանում Ռուսաստանի հարցով զեկուցող, ավստրիացի պատգամավոր Հաննես Սվոբոդան:
«Մենք, իհարկե, պաշտպանում ենք քաղաքացիական հասարակության զարգացումը, սակայն միաժամանակ չպետք է նաև կասկածի տակ դնենք նոր Դումայի ու ՌԴ նորընտիր նախագահի ընտրությունը»,- ընդգծել է նա:
Անդրադառնալով Եվրախորհրդարանի կողմից մարտի 15-ին ընդունված «Ռուսաստանում նախագահական ընտրությունների արդյունքները» խորագրով բանաձևին՝ Սվոբոդան, որը բանաձևի հեղինակներից է, նկատել է, որ այդ փաստաթղթի նպատակը դժվարությունների հաղթահարումն է, ոչ թե ռուսներին միտումնավոր քննադատելը:
«Մեկ անգամ ասել ենք, ու բավական է: Հակառակ պարագայում կստացվի այնպես, որ Դումայի լիազորություններն ու ՌԴ նախագահի ընտրությունները լեգիտիմ չեն»:
