«Բելառուսի Գերագույն դատարանի նախագահի տեղակալ Վալերի Կալինկովիչը հայտարարել է, որ մինսկյան ահաբեկիչների մահապատիժն իրագործվել է բոլոր նորմերի պահպանմամբ»,– հաղորդում է BBC-ն:
«Այսպիսով, Վլադիսլավ Կովալյովի հարազատների, այլ անձանց և ԶԼՄ-ների այն հավաստիացումները, թե իբր մահապատժի ենթարկվել է անմեղ մեկը, որևէ հիմք չունեն»,- հայտարարել է նա:
Ավելի վաղ ԵՄ առաջնորդները դատապարտել էին Դմիտրի Կոնովալովին և Վլադիսլավ Կովալյովին մահապատժի ենթարկելու հանգամանքը։ Նրանք մեղադրվում էին Մինսկի մետրոյում ահաբեկչություն իրականացնելու մեջ:
Բելառուսի նախագահ Ալեքսանդր Լուկաշենկոն հրաժարվել էր ներում շնորհել մահապատժի դատապարտված ահաբեկիչներին:
Նրանց չգնդակահարելու խնդրանքով Լուկաշենկոյին էին դիմել եվրոպական առաջատար քաղաքական գործիչները:
