Քաղաքագետ Ռիչարդ Կիարկոսյանը գրառում է կատարել Facebook-ի իր էջում, որով տեղեկացնում է, որ Ադրբեջանի իշխանությունները մերժել են մուտքի արտոնագիր տրամադրել իրեն` Բաքվում կայանալիք քաղաքագետների միջազգային գիտաժողովին մասնակցելու համար:
Վերջինս գրել է. «Ֆինն կազմակերպիչները հրավիրել են ինձ մասնակցելու Բաքվում կայանալիք գիտաժողովին: Ադրբեջանի կառավարության ներկայացուցիչները հայտնել են, որ ես «անընդունելի եմ», և ֆիննական կազմակերպիչներին այլ մանրամասներ իմ մասին չեն ներկայացրել:
Ադրբեջանում որքան էլ ցանկանում են, որ «Եվրատեսիլ»-ը դրական ազդեցություն ունենա Բաքվի վրա, և որքան էլ Ադրբեջանի նախագահ Իլհամ Ալիևը խոստանում է հայ-ադրբեջանական «շփումները» հեշտացնել, այնուամենայնիվ…»: Այլ մեկնաբանությունները քաղաքագետն ավելորդ է համարել:
