Սիրիայի՝ մեծությամբ երկրորդ քաղաք Հալեպում պայթել է ականապատ ավտոմեքենա։ Այս մասին հաղորդում է BBC-ն: Պայթյունը տեղի է ունեցել բնակելի թաղամասում: Պետական ԶԼՄ-ները հաղորդում են, որ վնասվել է երկու տուն և փոստի շենքը:
Տեղական աղբյուրները նշում են, որ պայթյունը տեղի է ունեցել Սուլեյմանիա թաղամասում, որտեղ շատ հայեր են ապրում:
Reuters-ը, հղում անելով մարդու իրավունքների սիրիական կազմակերպություններին, հաղորդում է, որ պայթյունի արդյունքում զոհվել է երեք մարդ, կա ավելի քան 20 վիրավոր։
Մինչ այժմ Հալեպում համեմատաբար խաղաղ իրավիճակ էր տիրում. այնտեղ բողոքի ակցիաները և բռնությունները նույն ծավալաները չունեին, ինչ Սիրիայի մյուս շրջաններում:
Հիշեցնենք, որ շաբաթ օրը Դամասկոսում երկու պայթյուն էր տեղի ունեցել: Զոհվել էր 27 մարդ, ավելի քան 100 մարդ վիրավորվել էր:
