Ռուսաստանի Պրիմորսկայա մարզի դատախազությունը հետաքրքրվել է մի գովազդային գործակալության կայքով, որտեղ տեղադրված բաներներից մեկի վրա պատկերված էր Ռուսաստանի Դաշնության նախագահ Դմիտրի Մեդվեդևը, որին կարելի էր սպանել: Կայք այցելողները կարող էին նշանի տակ վերցնել Մեդվեդևին ու կրակել նրա վրա, որից հետո նրա գլխին հայտնվում էր լուսապսակ, կարծես թե նա համբարձվում էր: Հիմա ընկերության ներկայացուցիչները հայտնել են, որ դա իրենց դիզայներների «մեղքն է», քանի որ «նրանք ստեղծագործողներ են և այս աշխարհից չեն»:
Հիմա բաները հանված է, սակայն դատախազությունը դեռ հետաքրքրված է ընկերությամբ, և, հավանաբար, ընկերությանը պատասխանատվության կկանչեն: