Այսօր ընթացող ԲՀԿ համագումարի մասնակիցներին ողջունց «Եդինայա Ռոսիա» կուսակցության պատվիրակության ղեկավար, ՌԴ Դաշնային խորհրդի նախագահ Սերգեյ Միրոնովը և հրապարակեց ՌԴ Պետական դումայի նախագահ Բորիս Գրիզլովի ուղերձը: Դրանում վստահություն է հայտնվում, որ համագումարը կդառնա կարևորագույն փուլ կուսակցության գործունեության համար, կնպաստի երկրի ազգային զարգացման խնդիրների լուծմանը: «Հայ-ռուսական հարաբերությունները դինամիկ են զարգանում, կառուցվում են փոխհարգանքի հիման վրա»,- ուղերձում նշել է Բ. Գրիզլովը և մաղթել արդյունավետ աշխատանք ու քաղաքական հաջողություններ:
Ուկրաինայի պատվիրակության ներկայացուցիչ, պատգամավոր Վադիմ Կոլեսնիչենկոն իր ելույթում նշեց, որ ներկայում Ուկրաինայում աշխատում է 4 հազարանոց հայ սփյուռք, որն աջակցում է նախագահ Վիկտոր Յանուկովիչին: Նա փոխանցեց վարչապետ Նիկոլայ Ազարովի ուղերձը, որում աջակցություն է հայտնվում ՀՀ իրավական, ժողովրդավար, պետության կառուցման գործին: Վ. Կոլեսնիչենկոյի փոխանցմամբ՝ Վիկտոր Յանուկովիչը բարձր է գնահատում երկու երկրների միջև ձևավորված քաղաքական հարաբերութունները:
Խորվաթիայի նախկին նախագահ Ստեպան Մեսիչն իր ելույթում նշեց, որ հայ հանրությունը պատրաստվում է խորհրդարանական ընտրություններին և հույս հայտնեց, որ դրանք կանցկացվեն ժամանակակից եվրոպական չափանիշներին համապատասխան. «Կարևոր է, որ դա գիտակցեն ՀՀ բոլոր քաղաքական ուժերը»: