Ուրբաթ երեկոյան Վենեսուելայի նախագահ Ուգո Չավեսը Կուբայից վերադարձել է հայրենիք: «Ազատության կղզում» Չավեսը վիրահատության էր ենթարկվել, բժիշկները հեռացրել էին երկրորդ ուռուցքը:
«Ես աղոթել եմ հանուն կյանքի պայքարելու համար: Մենք ապրելու ենք և հաղթելու: Ես պարելու եմ: Մենք շարունակելու ենք ապրել և հաղթահարել մարտահրավերները, որոնք մեզ կյանքն է մատուցում»,- ասել է Չավեսը. այս մասին հաղորդում է Associated Press գործակալությունը:
Հիշեցնենք նաև, որ բժիշկ Խոսե Ռաֆայել Մարկինը երեկ հայտարարել է, որ քաղցկեղով տառապող Վենեսուելայի նախագահ Ուգո Չավեսի կենսական կարևոր օրգաններում, հնարավոր է, արդեն մետաստազներ են առաջացել: Մարկինը հայտնի է Չավեսի հիվանդության հետ կապված մի շարք հաստատված կանխատեսումներով:
«Քաղցկեղը, որն առաջացել է կոնքային շրջանում, մետաստազներ է առաջացրել լյարդում և մակերիկամային գեղձում, ինչպես նաև հարակից ներքին օրգաններում»,- ասել է Մարկինը:
