«Ազատ դեմոկրատներ» կուսակցության նախագահ Խաչատուր Քոքոբելյանն այսօր կուսակցության համագումարում հրապարակեց իրենց գերակայությունները.
1. ԼՂՀ հիմնախնդրի խաղաղ կարգավորում, ԼՂՀ մասնակցությունը բանակցային գործընթացին, ԼՂՀ և ՀՀ ընդհանուր սահմանների ապահովում,
2. ՀՀ-ն պետք է բարիդրացիական հարաբերություններ հաստատի բոլոր հարևանների հետ,
3. ՀՀ անդամակցություն ԵՄ-ին:
«Ճանապարհը դեպի Եվրոպա Հայաստանի բարեկեցության ամենահիմնական միջոցն է»,- ասաց Խ. Քոքոբելյանը:
Նրա խոսքով՝ ընտրությունների միջոցով իշխանությանը մասնակցելու հնարավորությունն ամենաօրինակելին է, և կուսակցությունն ամենայն պատասխանատվությամբ պատրաստվում է ընտրություններին, որոնց մասնակցելու է որպես մրցունակ, որպես ազատական գաղափարների դավանող քաղաքական բևեռ:
Խ. Քոքոբելյանը հայտարարեց, որ պատրաստ են հանդես գալ նույն գաղափարները դավանող մյուս ուժերի հետ։ «Ժառանգության» հետ ցանկանում են կազմել արդար միություն`դաշինք, որի պահանջը հասարակությունում վաղուց է հասունացել:
«Երկարատև հեռանկարային գործունեությունը կարող է հանգեցնել իրական լուրջ փոփոխությունների»,- նշեց Խ. Քոքոբելյանը:
