Հունգարիայի մայրաքաղաք Բուդապեշտում 1848 թ. հեղափոոխության տարելիցին տեղի են ունեցել մի քանի զանգվածային հանրահավաքներ՝ երկրի վարչապետ Վիկտոր Օրբանի քաղաքականությանը զորակցությամբ և ընդդեմ դրա,- հաղորդում է Reuters-ը:
Տեղի MTI գործակալության տվյալներով՝ 250 հազար մարդ է հավաքվել հաջակցություն վարչապետի քաղաքականության, որն ավելի վաղ հայտարարել էր, որ Հունգարիան չի դառնա Եվրամիության գաղութը:
Նշենք, որ երեկ ԵՄ-ը զրկել է Հունգարիային 495 մլն եվրո ֆինանսական աջակցությունից:
Իր ելույթում Օրբանն ասել էր, թե Հունգարիան պահանջում է, որ իրեն վերաբերվեն այնպես, ինչպես ԵՄ անդամ մյուս երկրներին: «Որպես եվրոպական երկիր՝ մենք պահանջում ենք հավասար վերաբերմունք: Մենք չենք լինի երկրորդ կարգի Եվրոպայի քաղաքացիներ: Մենք ցանականում ենք, որ Հունգարիան պտտվի սեփական առանցքի շուրջը, ուստի մենք պատրաստվում ենք պաշտպանել սահմանադրությունը»,- վարչապետի խոսքերն է մեջբերում գործակալությունը:
Երեկ Բուդապեշտում տեղի են ունեցել նաև ընդդիության ցույցեր: Դրանցից մեկը կազմակերպվել է տեղի հասարակական կազմակերպությունների և ուսանողական խմբերի կողմից, որին ներկա են եղել տասնյակհազարավոր մարդիկ: «Եթե մենք ցանկանում ենք մնալ ԵՄ-ում, պետք է լուծենք մեր խնդիրները այդ կազմակերպության օրենքների հիման վրա»,- ասել է ցույցի անդամներից մեկը:
Հունգարիան 2004 թ. ԵՄ-ին անդամակցելուց սկսած՝ կրճատում է բյուջեի դեֆիցիտը, որով ենթդրավում է այդ ցուցիչը հասցնել ՀՆԱ 3%-ից ցածր աստիճանի: Դեֆիցիտի կրճատման ծրագիրը մշակվում է պետության կողմից, ԵՄ-ը համաձայնություն է տալիս այդ ծրագրին և հետևում դրա իրականացմանը: Այնուամենայնիվ, Եվրահանձանժողվը հայտարարում է, որ Հունգարիան պարբերաբար չի տեղավորվում ծրագրի շրջանակներում:
