ԱՄՆ-ն այսօր հերքել է ռուսական լրատվամիջոցի հաղորդումն այն մասին, որ պետքարտուղար Հիլարի Քլինթոնը խնդրել է Ռուսաստանին զգուշացնել Իրանին, որ միջազգային ուժերի հետ բանակցություններն Իրանի վերջին հնարավորությունն են՝ միջուկային ծրագրի շուրջ առաջացած խնդիրը դիվանագիտորեն լուծելու համար:
The Jerusalem Post-ը գրում է, որ Պետքարտուղարության խոսնակ Վիկտորյա Նուլանդը Մոսկվայի Kommersant օրաթերթում հայտնված հաղորդման վերաբերյալ ասել է, որ դա սուտ է, և քարտուղարությունը Ռուսաստանի արտգործնախարար Սերգեյ Լավրովին չի խնդրել Իրանին նման զգուշացում ուղարկել:
Այն հարցին, թե արդյո՞ք Քլինթոնը Լավրովի հետ երկուշաբթի օրն ունեցած հանդիպման ընթացքում օգտագործել է «վերջին» բառը, թե՝ ոչ, Նուլանդը պատասխանել է, որ Քլինթոնն այդ հանդիպման ժամանակ «այդ ածականը չի օգտագործել»:
