«Ո´չ Աժ նախկին նախագահ Հովիկ Աբրահամյանը, ո´չ էլ նրա եղբայրը` Աժ նախկին պատգամավոր Ջոնիկ Աբրահամյանը, այլևս պատգամավոր չեն դառնա»,- գրում է «Ժողովուրդ»-ը և հավելում.
«Արտաշատի թիվ 17 ընտրատարածքում ՀՀԿ-ն որոշել է Աբրահամյան եղբայրների փոխարեն առաջադրել Կարինե Պողոսյանին: «Ժողովուրդ»-ին հաջողվեց պարզել, որ ՀՀԿ-ի այս անհայտ թեկնածուն Արտաշատի թիվ 1 դպրոցի տնօրենն է` մասնագիտությամբ ֆիզիկոս: Պարզապես ընտրվել է չեզոք մարդ, որը չի ընկալվում որպես արտաշատյան որևէ կլանի ներկայացուցիչ:
Հայտնի է, որ Արտաշատում Հովիկ Աբրահամյանն իր թևն ունի, Ալիկ Սարգսյանը` իր, Հովհաննես Ղազարյանը` հայտնի Գազի Հովոն` իր, դե մարզպետ Էդիկ Բարսեղյանն էլ`պաշտոնապես իր: Սրանք միայն ՀՀԿ-ի «թևերն» են:
ԲՀԿ-ն էլ այնտեղ ներկայացված է ՀՀ ոստիկանության ներքին զորքերի նախկին հրամանատար Գրիգոր Գրիգորյանի դեմքով»,- հավելում է թերթը:
