Նավթի համաշխարհային գները հավասարաչափ փոփոխվում են անցած չորեքշաբթի օրվանից սկսած, ընդ որում՝ դրանք տատանվում են վերջին երկու օրերին առավելագույն մակարդակում: Այս մասին են վկայում ԱՄՆ վիաճակագրական ծառայության տվյալները, որոնք խոսում են տնտեսության ամրապնդման, նավթի հումքի նկատմամբ պահանջարկի մասին:
Ապրիլին ամերիկյան թեթև նավթի WTI (Light Sweet Crude Oil) մակնիշի ֆյուչերսների արժեքը աճել է 0.09 դոլարով կամ 0.08 տոկոսով` հասնելով 106.8 դոլարի մեկ բարելի դիմաց:
Ապրիլյան ֆյուչերսների արժեքը Հյուսիսային ծովի նավթային Brent ապրիանքանիշի զանգվածի համար կրճատվել է 0.06 դոլարով կամ 0.05 տոկոսով` մինչև 126.16 դոլարի 1 բարելի դիմաց:
Ներդրողները լավատեսությամբ են ընդունել երկրում փետրվարի դրությամբ մանրածախ առևտրի տվյալները, որոնք վկայում են 1.1 տոկոս աճի մասին` նախորդ ամսվա 0.4 տոկոսի դիմաց:
Տվյալներն ամբողջությամբ համընկել էին վերլուծաբանների կանխատեսման հետ:
Բացի այդ` նավթի շուկայի վրա ճնշում են գործադրում Ամերիկյան նավթի ինստիտուտի (API) տվյալները, համաձայն որոնց` «սև նավթի» պաշարները երկրում անցած շաբաթվա ընթացքում աճել են 2.8 մլն բարելով: Ընդ որում` ԱՄՆ էներգետիկայի նախարարությունը կարող է չորեքշաբթի հաղորդել 1.6 մլն բարելով դրանց աճի մասին»:
«Նավթի պաշարներն աճում են, ինչը զսպում է ֆյուչերսների բարձրացումը»,- Barratts Bulletin-ի գլխավոր տնօրեն Ջոնաթան Բարաթի խոսքերն է մեջբերում Bloomberg գործակալությունը: