Հոկտեմբերի 9-ին Իսրայելի կառավարությունը փոփոխություններ է մտցրել քաղաքացիության մասին օրենքում, համաձայն որոնց` Իսրայելի քաղաքացիություն ստացողները պետք է պարտադիր երդում տան հրեական ժողովրդավարական պետությանը` Իսրայելին:
Այս որոշումն օրենքի հակառակորդների կողմից բնութագրվել է որպես ոչ անհրաժեշտ, սադրիչ եւ ռասիստական:
Բոլորին հայտնի է, որ պաղեստինա-իսրայելական վերջին բանակցությունները վտանգված են, քանի որ Իսրայելը մտադիր չէ երկարաձգել Արեւմտյան ափում շինարարության համար նախատեսված արգելքը:
Որոշ մեկնաբաններ օրենքի այս փոփոխությունները կապում են այն հանգամանքի հետ, որ Նաթանյահուն, ամերիկյան ճնշումների ներքո, պետք է երկարացնի Արեւմտյան ափում շինարարության արգելքի ժամկետները, որը կառաջացնի աջ ազգայնական ուժերի վրդովմունքը: Աջ ուժերը դաշինք են կազմել վարչապետի Լիկուդ կուսակցության հետ, ուստի Նաթանյահուի համար շատ կարեւոր է ունենալ նրանց աջակցությունը: Եվ որպեսզի վարչապետը չհարուցի ազգայանականների դժգոհությունը, քաղաքացիության հարցում բռնել է ազգայնականների առաջ քաշած փոփոխությունների կողմը:
Ազգայնականները վաղուց էին ուզում իրականացնել այս փոփոխությունները: Բանն այն է, որ խառն ամուսնությունների արդյունքում բազմաթիվ ոչ հրեաներ, այս դեպքում` հիմնականում արաբներ, հեշտությամբ ստանում են հրեական պետության քաղաքացիություն: Սա հարուցում է ազգայնականների դժգոհությունը, եւ նրանց կարծիքով` սույն փոփոխությունները կարող են զսպել այս ալիքը, քանի որ իսրայելցիները վստահ են, որ արաբների շատ փոքր մասն է պատրաստ երդում տալ «հրեական ժողովրդավարությանը»: Ինչպես ասվում է ռուսական հայտնի ասացվածքում` եւ գայլերն են կուշտ, եւ գառներն են ողջ (հոդվածն ամբողջությամբ կարող եք կարդալ այստեղ):
