Բրիտանիայում միասեռական տղամարդը, ում տրանսգենդեր ընկերն առաջինն է երկրում, ով ծննդաբերել է, պատմում է, որ ինքը սարսափել է, երբ իմացել է, որ հայր է դառնալու:
Ինչպես գրում է Daily Mail-ը, Ջեյսոնն ասել է, որ իր զուգընկեր Փոլը հայտնել է, որ իրենք երեխա են ունենալու, երբ իրենք միասին են եղել ընդամենը 6 ամիս:
Զույգն առաջին անգամ հանդիպել է երեք տարի առաջ, բայց առաջին ժամադրությունից հետո Ջեյսոնը պարզել է, որ Փոլը նախկինում աղջիկ է եղել, և չի իմացել ինչ անել: Այնուհետև նա սիրահարվել է և որոշել է շարունակել հարաբերությունները:
Իսկ մի քանի ամիս անց Փոլը նրան հայտնել է, որ ինքը հղի է, և դա սարսափեցրել է Ջեյսոնին: Այն ժամանակ, երբ Փոլը ծննդաբերելիս է եղել, Ջեյսոնը հստակ որոշել է, որ պետք է բաժանվի իր ընկերոջից և գնացել է ապրելու իր մոր մոտ: Նրան այժմ թույլատրվում է դստերը տեսնել միայն ամիսը մեկ անգամ:
Փոլը խնդրել էր չհրապարակել իր ծննդաբերելու փաստը, բայց հենց ինքն էլ իր հղիության ողջ ընթացքի մասին գրել էր ինտերնետային իր բլոգում:
