Եգիպտոսի խորհրդարանը որոշել է քվեարկություն անցկացնել ԱՄՆ-ի օգնությունը դադարեցնելու վերաբերյալ:
Associated Press-ը տեղեկացնում է, որ խորհրդարանի այսօր կայացրած որոշումը կապված է մարտի 1-ին 6 ամերիկացի մեղադրյալների՝ Եգիպտոսից հեռանալու հետ: Նրանք մեղադրվում էին արտասահմանյան ֆինանսավորումը ապօրինի օգտագործելու և Եգիպտոսում անհանգստություններ սկսելու մեջ:
ԱՄՆ-ը այդ պատճառով սպառնացել էր դադարեցնել օգնությունը:
Այժմ խորհրդարանը ցանկանում է քվեարկություն անցկացնել ԱՄՆ-ի հետագա օգնությունից հրաժարվելու վերաբերյալ:
Ամերիկացիների հեռանալը առաջացրել էր եգիպտացիների բարկությունը, ովքեր իրենց կառավարությանը մեղադրում էին ԱՄՆ-ից կախվածություն ունենալու մեջ` ասելով, թե ԱՄՆ-ն իրավունք չունի միջամտել իրենց արդարադատությանը վերաբերող գործերին:
Այսօրվա նիստի ժամանակ օրենսդիրները բողոքել են` ասելով, որ ԱՄՆ-ն անտեսում է Եգիպտոսի ինքնիշխանությունը:
