Նավթ տեղափոխող լցանավը, որի անձնակազմը բաղկացած է Ռուսաստանի, Ուկրաինայի ու Ֆիլիպինների նավաստիներից, Նորվեգիայի ափերի մոտ հայտնվել է խութերի վրա: Այս մասին հայտնում է RIA Novosti-ն` հղում կատարելով տեղի փրկարար ծառայության աշխատակցին:
АР գործակալությունը գրում է, որ նախնական տվյալների համաձայն` պատահարի հետևանքով անձնակազմի 14 անդամներից ոչ մեկը չի տուժել:
Նավի վրա, որը գրանցված է Անտիգուա նավահանգստում, եղել է 280 հազար լիտր նավթ և 67 հազար լիտր դիզելային վառելիք: Հայտնվում է, որ այս պահին նավթի արտահոսք չկա, սակայն ջրի վրա հայտնվել է նավթային շերտ:
